Ижтимоий тармоқларда Тошкентдаги 22-сонли болалар уйидаги бир бола "самосуд" қилингани акс этган видео кенг тарқалди.
Воқеа юзасидан Ижтимоий ҳимоя миллий агентлиги расмий муносабат билдириб, ҳолат назоратга олинганини маълум қилганди.
darakchi.uz ҳам сайтнинг тезкор (@darakchi.uz/live) каналида болалар уйида қилинган "самосуд" видеоларини жойлаштирган эди. Шундан сўнг кўп ўтмай, Мехрибонлик уйининг собиқ тарбияланувчиларидан бири, ҳозирда ҳуқуқушунос, бола ҳуқуқлари бўйича фаол бўлиб ишлайдиган Шермуҳаммад Деҳқонов биз билан алоқага чиқди. Унинг айтишича, 22-сонли "детдом"да бир неча йил аввал ҳам шу каби воқеаларга гувоҳ бўлган ва у бу ҳақида Президентга мурожаат йўллаган.
"Илгари шахсан ўзим шу 22-меҳрибонлик уйига борганман. Директори жуда қўпол айнан янги тайинлангани билан гаплашиб номуносиблигини билганман. Миллий гвардия ходими эса сен сиёсатга аралашма кунингни кўрсатаман ҳали сени деганди. Сен ҳам узоққа бормайсан деб қора қозонини ўйлаб индамаган эдим. Ҳурматли Президент булар сиз берган ишончни суистеъмол қилмоқда. "Детдом"ларни батамом ёпиш зарур.
Фарғонада биласиз "детдом"лар ёпилди. Тошкент 22-"детдом"ига борган Фарғоналиклар ҳам тарбиячилар урушини айтганида дарҳол директорини олдига кирганман. Болани ҳамма жойи кўкариб ётган эди. Ҳамма бола янги директор Дилфузага қайси тарбиячи урганини айтсада унга чора кўрилмади. Миллий гвардия ходими эса босим қилишдан бошқани билмади.
Тарбиячилар ўзи урмайди. Одатда болаларни битирувчиларга урдиради. Шу билан жазодан қутулади. Бу эса меҳрибонлик уйида тарбия тугур бошқарув назорати, болапарвар сиёсат йўқлигидан дарак.
Савол: шунча ишлар бўляпти экан Миллий гвардия қаерга қараяпти. Демак ойлигини ҳалоллаб олмаяпти экан. Ҳарбий прокуратурадан қонуний чора кўришини сўрайман",- дейилади мурожаатда.
(Мурожаат таҳрирсиз берилди)
