Сеул шаҳрида ўн учинчи маротаба ўтказилган мазкур халқаро танловнинг финал босқичида Низомий номидаги Тошкент давлат педагогика университети талабаси Моҳира Эргашева 1-ўринни қўлга киритди, деб хабар бермоқда “Дунё” АА.
Жорий йилги танловда 21 давлатдан энг иқтидорли талабалар қатнашиб, улар Жанубий Корея тарихи, иқтисодиёти, жамияти, тили ва маданияти ҳақидаги билимларини синовдан ўтказдилар.
Қайд этилишича, эндиликда ушбу совринни қўлга киритган Ўзбекистон талабалари сони 3 нафарга етган. Бундан аввал, яъни 2012 йилда Тошкент давлат шарқшунослик институти талабаси Ҳулкар Эрданова ва 2022 йилда Корея Фонди стипендияси дастури бўйича лойиҳа координатори Саъдулла Ибрагимов танлов бош мукофотини қўлга киритган эди.
