Ижтимоий тармоқларда Самарқандда юк машинаси енгил автомашиналарни ортидан суриб кетгани акс этган видеолар тарқалди.
Вилоят ИИБ хабарига кўра, ҳолат 2024 йил 1 октябр куни соат 18:15 лар атрофида Самарқанд шаҳар ҳудудидан ўтувчи М-37А автомобил йўлининг 42 км.да содир бўлган.
Юк транспорт воситаси ҳаракатланиб келаётиб тормоз қисмида носозлик юзага келганлиги сабаб, ўзи билан бир йўналишда ҳаракатланиб келаётган еттита енгил транспорт воситаларининг ортидан келиб урилиши оқибатида ЙТҲ содир бўлган.
Оқибатда тан жароҳати олган ва вафот этганлар йўқ.
Ҳолат юзасидан Самарқанд шаҳри бўйича ИИО ФМБ ЖХХ ЙҲХБ томонидан дастлабки суриштирув ишлари олиб борилмоқда.
