Сирдарёда аёлни Россияга фоҳишаликка жўнатмоқчи бўлган шахс қўлга олинди. Бу ҳақда вилоят ИИБ матьуот хизмати хабар берди.
Маълум қилинишича, вилоятда ўтказилган тезкор тадбирда Сирдарёда яшовчи З. исмли аёл Янгиер шаҳрида яшовчи аёлга Россияда иш борлигини, у ерда фоҳишалик билан шуғулланиш эвазига кўп пул ишлаб олиш мумкинлигини айтган.
Аёл эса бунга кўнган. Фуқаро З. аёлга чипта ва барча ҳужжатларни ўзининг ёнидан қилиб беришини айтган. З. аёлни ўзининг жиноий шеригини бўлган З. исмли эркак билан Россияга жўнатишни режа қилган. Бу эркак ва аёл Тошкент халқаро аэропортига Россияга учмоқчи бўлиб кетаётган вақтда Сирдарё туманида қўлга олинган.
Ҳозирда мазкур ҳолат юзасидан ЖКнинг 135-моддаси 2-қисми билан жиноят иши қўзғатилиб, тергов ҳаракатлари олиб борилмоқда.
