Turkish Airlines авиакомпаниясининг капитан-учувчиси Сиэтлдан Истанбулга парвоз пайтида вафот этди. Бу ҳақда Sözcü нашри хабар берди.
“Сиэтл—Истанбул йўналишида ТК204 рейсини амалга ошираётган, ТC-LGР рўйхатига эга бўлган Airbus 350 самолётининг капитан-пилоти Илчехин Пеҳливан парвоз вақтида ҳушини йўқотди, биринчи тиббий ёрдам натижа бермагач, экипаж аъзолари самолётни фавқулодда қўндиришга қарор қилди. Бироқ самолёт қўнгунча капитанимиз вафот этди”, деб ёзди у.
Учувчи 59 ёшда экани хабар қилинган.
Вакил Пеҳливаннинг Фуқаро авиацияси бош бошқармаси рухсат берган тиббиёт марказида даврий тиббий кўрикдан ўтганини қайд этган. Текширувда унинг ўз хизмат вазифаларини бажаришига тўсқинлик қиладиган ҳеч қандай муаммо аниқланмаган.
