18 октябр куни ӯз ишини бошлаган Халқаро маданий мерос ҳафталиги ӯз ишини қизғин давом эттирмоқда. Бугуннинг ӯзида 3 та муҳим тадбирлар ӯтказилади.
Темурийлар тарихи давлат музейи биносида "Темурийлар даврига саёҳат" форуми, Тошкент музейида "Илк цивилизациялар даври шарқ ренессансларининг пойдевори сифатида" номли халқаро анжуман, Миллий кино санъати саройида "Кино санъати Ӯзбекистон маданий мероси" форуми кабилар ӯз ишини олиб бормоқда.
"Темурийлар даврига саёҳат" форумида “Темурийлар тарихи давлат музейи нумизматик коллекцияси” кўргазмасининг намойиши билан бошланди. Музейнинг нумизматик коллекцияси асосида ташкил этилган ушбу кўргазмада ўзбек давлатчилиги тарихида муҳим аҳамият касб этган бир қатор сулолалар – Сомонийлар, Хоразмшоҳлар, Амир Темур ва Темурийлар, Шайбонийлар, Аштархонийлар, Бухоро амирлиги, Қўқон хонлиги даврига оид ва бугунги кунда музей олимлари томонидан ўрганилаётган “Янги Санганак” хазинаси (XIV–XVI асрлар) тангалари намойиш этилди.
Форумда Республика илмий тадқиқот муассасалари ва Олий ўқув юртларининг таниқли олимлари билан бир қаторда Япония, Франция, Тожикистон, Покистон, Ҳиндистон каби давлатлардан ҳам бир қатор олимлар ўз маърузалари билан қатнашишмоқда. Шунингдек, Ўзбекистондаги Ислом цивилизацияси марказининг Иккинчи ренессанс экспозициясини шакллантиришга оид лойиҳа мавзулари билан иштирок этишмоқда.
Ўзбекистоннинг маданий меросини кенг тарғиб қилиш, унинг туристик салоҳиятини ошириш, Ўзбекистондаги ислом цивилизацияси марказининг Темурийлар ренессансига оид экспозицияларини такомиллаштириш каби долзарб вазифалар Форум иштирокчиларининг диққат марказида.
