Мажбурий ижро бюроси Чортоқ туман бўлими томонидан олиб борилган навбатдаги тарғибот тадбири ва тушунтиришлардан сўнг ота фарзанди моддий таъминотидан бўлган қарздорликни тўлаб берди.
Маълум бўлишича, фуқаролик бўйича Янгиқўрғон туманлараро судининг ҳал қилув қарорига кўра И. Қ дан ундирувчи А. Қ фойдасига 2 нафар фарзанди учун ҳар ойда алимент ундириш белгиланган.
Бироқ, қарздор ота огоҳлантиришга қарамай фарзандлари моддий таъминотидан қарийиб 67 ой бўйин товлаб келган. Шундан сўнг давлат ижрочиси томонидан киритилган тақдимномага кўра, суднинг қарори билан унга нисбатан 15 суткалик маъмурий қамоқ белгиланади.
Маъмурий қамоқдан сўнг ота ўзига хулоса қилган шекилли олиб борилган тушунтиришлардан сўнг 110 млн сўм қарздорликни тўлаб берди.
