Жиззах вилоятида "Метан заправка" 8,6 млрд сўмлик электр энергиясидан ноқонуний фойдаланганлиги фош этилди. Бу ҳақда “Ўзэнергоинспекция” матбуот хизмати хабар қилди.
“Ўзэнергоинспекция” Жиззах вилоят ҳудудий бошқармаси томонидан ўтказилган назорат тадбирида Зарбдор туманида жойлашган “Р.Г.М.” МЧЖга қарашли автомобилларга газ тўлдириш компрессор шохобчасида электр ҳисоблагич кўрсатгичларини камайтириш мақсадида уланиш схемасига ташқи таъсир кўрсатилиб, электр энергиясидан ноқонуний фойдаланганлиги аниқланди.
Ушбу қоидабузарлик натижасида дастлабки ҳисоб-китобларга кўра электр таъминоти корхонасига 8 млрд 677 млн сўмлик зарар етказганлиги маълум бўлди.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
