Москванинг Таганск туман суди истироҳат боғида қизга ҳужум қилиб, зўрлашга уринганликда айбланаётган Мансур Хаитовни ҳибсга олди. Бу ҳақда “Lenta.ru” хабар берган.
Эркак 26 декабрга қадар тергов ҳибсхонасида қолади. Унга нисбатан Россия Федерацияси Жиноят кодексининг 30-модда 3-қисми, 131-модда 1-қисми (“Зўрлашга уриниш”), 132-модданинг 1-қисми (“Жинсий характердаги зўравонлик ҳаракати”) ва 2-қисм “д” банди, 161-моддаси ("Ҳаёт ёки соғлиқ учун хавфли бўлмаган зўравонлик қўллаш ёки бундай зўравонлик таҳдиди билан содир этилган талончилик") билан жиноят иши қўзғатилган.
Хабарга кўра, Хаитов Ўзбекистон фуқароси. У 25 октябр куни кечқурун Москвадаги боғда нотаниш қизга ҳужум қилиб, унинг қўлидан телефонини тортиб олган. Шундан сўнг, жабрланувчига нисбатан жинсий тажовуз қилиб, уни зўрламоқчи бўлган. У жиноят жойида полиция ходимлари томонидан қўлга олинган.
