Солиқ қўмитаси матбуот хизматм хабарига кўра, жисмоний шахслар ва якка тартибдаги тадбиркорларга кўрсатиладиган электрон хизматлар айни пайтда белгиланган тартибда иш фаолиятида.
Шу билан бирга, дастурий таъминотнинг янгиланган версиясига ўтиш, маълумотлар базасини оптималлаштириш, хато ва такрорланишларни бартараф этиш ишлари олиб борилмоқда.
Маълумотларни кўчириш жараёнида солиқ тўловчилар учун ноқулайликларни камайтириш, маълумотларнинг сақланиши ва хавфсизлигини таъминлаш вазифаси қўйилган.
Шу мақсадда шахсий кабинетда чекларни таҳрирлаш имконияти 8 ноябргача чекланди, шунингдек, бу даврда ахборот тизимлари ва электрон хизматларда қисқа муддатли узилишлар бўлган бўлиши мумкин.
Юқоридагиларни инобатга олган ҳолда, барча солиқ тўловчиларга октябр ойи учун онлайн-НКТ чекларидаги суммаларни таҳрирлаш (қолган барча маълумотларни таҳрирлаш чекланмаган) муддати 1 декабрга қадар узайтирилади.
