20 ёшли қизни Туркияга фоҳишалик учун жўнатмоқчи бўлган 22 ёшли аёл Тошкент халқаро аэропортида қўлга олинди. Бу ҳақда Тошкент вилояти Ички ишлар бош бошқармаси хабар қилди.
Маълум қилинишича, 2002 йилда туғилган Ҳ.Т. исмли аёл осон пул топиш мақсадида ўзига таниш бўлган 2004 йилда туғилган З.О.ни алдаб, Тошкент халқаро аэропорти орқали Туркия давлатининг Истанбул шаҳрига фоҳишалик учун жўнатаётган вақтида қўлга олинган. Аёлни Истанбулда Туркия фуқаролари кутмб олиши керак бўлган.
Ҳозирда Ҳ.Т.га жиноят кодексининг 135-моддаси (Одам савдоси) билан жиноят иши қўзғатилган. Тергов ҳаракатлари олиб борилмоқда.
