Жорий йилнинг 23 декабрь куни Тошкент вилояти Бўстонлиқ туман тиббиёт бирлашмасига вояга етмаган қизча танасидаги турли жароҳатлар билан ётқизилган. Тиббий хулосасига кўра, болада бош мия ёпиқ жарохати, бош мия лат ейиши оғир ва бошқа оғир жарохатлар аниқланган.
Кўрсатилган тиббий муолажаларга қарамасдан, 7 январь куни бола вафот этди.
Тергов вақтида жиноят натижасидаги оқибатнинг ўзгаргани, яъни жабрланувчи ўлими жиноятга ҳуқуқий баҳо беришга бевосита таъсир қилади - айбловни оғирроқ жазони кўзда тутувчи қисмга қайта малакалаш лозим бўлади.
Бу эндиликда тергов томонидан амалга оширилади.
Иш юзасидан якуний қарорни эса суд беради.
Эслатиб ўтамиз, 2024 йил 27 декабрь куни ҳолат юзасидан Тошкент вилояти Чирчиқ шаҳар ИИБ томонидан Э.Ë га нисбатан ЖКнинг 126-1-моддаси 7-қисми “б” банди (Оилавий маиший зўравонлик) билан жиноят иши қўзғатилган.
Болалар омбудсмани бола манфаатлари юзасидан ўз кузатувини давом эттиради.
