АҚШ президенти Жо Байден Давлат департаментида ўз маъмурияти юритган ташқи сиёсат ҳақида сўнгги марта баёнот берди.
Байденнинг таъкидлашича, АҚШ глобал рақобатда ғолиб келмоқда, Америка ҳозир тўрт йил олдингига қараганда кучлироқ.
"Мен Американи барча соҳаларда кучайтирдим. Қўшма Штатлар дунёдаги энг динамик иқтисодиётга эга, биз иқтисодий қудратимизни оширдик. Ҳозир АҚШ ҳар қачонгидан ҳам қудратли", - деди Байден.
Шунингдек президент Россия ва Украина масаласига ҳам тўхталди.
"Путин уч кунда Киевни босиб оламан, деб ўйлаганди, лекин Киев марказида мен бўлдим, у эмас. Путин ҳали ҳам Украинани бўйсундира олмади, NATO бирлигини бузолмади ва сезиларли ҳудудий ютуқларга эриша олмади. Путин босқинни бошлаганда, мен ўз олдимга иккита мақсад қўйдим: Украинага ёрдам бериш учун дунёни бирлаштириш ва ядровий қуролга эга давлатлар ўртасида урушга йўл қўймаслик. АҚШ ва унинг иттифоқчилари Украинага ёрдам беришдан воз кеча олмайди, деб ҳисоблайман. АҚШнинг Киевга кўрсатган ёрдами Россия билан ядро тўқнашувини келтириб чиқариш хавфини туғдирганини тан оламан. Бугун Украина ҳали ҳам эркин, мустақил давлат бўлиб қолмоқда ва ёрқин келажак учун салоҳиятга эга, буни алоҳида таъкидлаш керак. Сўнгги тўрт йил ичида Россия янада заифлашди, бунга уларнинг ўзлари айбдор", - деди Байден.
