2024 йилда дунё аҳолиси 71 миллиондан ортиқ кишига ўсди ва умумий кўрсаткич жорий йил январь ойи ҳолатига кўра 8,09 миллиард кишини ташкил этди, деб хабар қилмоқда "Дунё" АА.
Таҳлилий ҳисоб-китобларга кўра, аҳолининг жадал суръатларда ўсиши асосан Африка қитъасида кузатилган. Бу борада, экспертлар келгуси йигирма йил ичида Африкада яшовчи одамлар сони қарийб икки баравар ўсишини тахмин қилмоқда.
БМТ таҳлилларига бўйича, 2037 йилда сайёрамиз аҳолиси илк бор 9 миллиардлик маррадан ошиши мумкин. Бироқ, дунё аҳолисининг ўсиши давом этаётган бўлса-да, умумий ўсиш суръати сезиларли даражада секинлашганлиги қайд этилмоқда.
