Ҳиндистон ҳукумати АҚШда ноқонуний яшаб келаётган 18 мингга яқин фуқаросини қабул қилишга тайёрлигини билдирди. Президент Дональд Трамп маъмурияти билан муносабатларни яхшилаш мақсадида шундай қадам қўйилмоқда.
Манбаларга кўра, Ҳиндистон ва АҚШ ҳукуматлари биргаликда АҚШда ноқонуний яшаб келаётган 18 мингга яқин ҳинд фуқаросини аниқлаган. Бироқ, бу рақам аслида анча кўпроқ бўлиши ҳам мумкин.
Ҳиндистон томонидан бундай ҳамкорликка эвазига, янги АҚШ маъмурияти ҳинд фуқаролари учун қонуний иммиграция каналларини, жумладан, талабалар визалари ва малакали ишчилар учун H-1B визаси дастурини ҳимоя қилишини умид қилмоқда. 2023 йилда ушбу дастур бўйича берилган 386 минг визанинг қарийб учдан икки қисми ҳинд фуқароларига тўғри келган.
Маълумотларга кўра, 2024 молиявий йилда АҚШда ноқонуний яшаб келаётган 1100 ҳинд фуқароси депортация қилинган. Бу кўрсаткич илгарига нисбатан ўсишни кўрсатади.
Шунингдек, 2024 йил октябрь ойида АҚШ 160 минг ҳинд фуқаросини депортация қилгани ҳақида хабар берилган. Икки давлат ўртасида қонуний иммиграцияни яхшилаш ва ноқонуний миграцияга қарши курашиш бўйича ҳамкорлик давом этмоқда.
Эслатиб ўтамиз, Дональд Трамп АҚШ ҳукумати тепасига келганидан сўнг, бошқа ташаббуслар билан бир қаторда Американи ноқонуний мигрантлардан тозалашга киришган. Масалан, Bloomberg ҳисоботига кўра, Трамп томонидан имзоланган иммиграция фармойишига кўра, АҚШга ноқонуний йўллар билан кирган тахминан 80 минг турк фуқароси ўз ватанларига экстрадиция қилиниши мумкин. АҚШ чегара хавфсизлиги бўйича нозир Томас Хоманнинг айтишича, Иммиграция ва божхона назорати бутун мамлакат бўйлаб депортация қилиш учун ҳужжатсиз муҳожирларни ҳибсга олишни бошлаган.
Абдуллоҳ Саййид
