Англияда яна Қуръонни ёқиб юборишди.
Буюк Британиянинг пойтахти Лондон шаҳридаги Туркия элчихонаси олдида номаълум шахс Қуръони Каримни ёқиб юборди. Туркиянинг HURRIYET газетаси шу ҳақда ёзмоқда.
Маълум бўлишича, Қуръонни ёққан эркак бу ишни “Эрдўғоннинг “мамлакатни радикал исломчилар базасига айлантираётган” сиёсатига норозилик” сифатида амалга ошираётганини айтган. Aкцияни бир ўткинчи тўхтатиб қолган. У оловни ўчирган ва Қуръонни ёққан шахсга пичоқ урган.
Жабрланувчи касалхонага етказилган, ҳужум қилган шахс эса полиция томонидан қўлга олинган. Ижтимоий тармоқларда тарқалган видеолавҳаларда, ушбу ҳаракатни амалга оширган шахсга пичоқли бир одам ҳужум қилгани кўринади. Кадрларда ҳужум қилган шахс қўлидаги китобни олиб, уни ёқмоқчи бўлган шахсга туфлагани акс этган. Ҳодиса жойига тез ёрдам ва полиция ходимлари етиб келгани маълум қилинган.
Абдуллоҳ Саййид
