Украина собиқ президенти Петро Порошенко Украинада сайловлар 2025 йил 26 октябрда бўлиб ўтишини маълум қилди.
Унинг сўзларига кўра, у бу маълумотни Президент офисидаги манбалардан, ҳуқуқни муҳофаза қилиш органларидан ҳамда ҳозирда сайлов бюллетенларини тайёрлаш устида иш олиб бораётган “Украина” босмахонасидан олган.
"Mанбаларимизга кўра, Марказий сайлов комиссияси сайловчилар реестрига ўзгартиришлар киритишни бошлаган. Шунингдек, Адлия вазирлиги Берлинда биринчи офисини очмоқда. Бундай ҳаракатлар фақат сайловларга тайёргарлик учун қилиниши мумкин", — дея аниқлик киритган собиқ президент.
Эслатиб ўтамиз, жорий йилда Украинада сайловларнинг бўлиб ўтиши Трампнинг “тинчлик режаси” лойиҳасида ҳам тилга олинган эди. Ушбу режага кўра, президентлик сайлови август охирида, парламент ва маҳаллий кенгаш сайловлари эса 26 октябрда ўтказилиши керак.
