Зеленский кеча Эрдўғон билан бўлиб ўтган учрашуидан сўнг Саудия Арабистонида Россия ва АҚШ вакиллари ўртасида бўлиб ўтган музокараларга изоҳ берди.
Украина президенти урушни тўхтатиш тўғрисидаги қарор Украина иштирокисиз қабул қилиниши мумкин эмаслигини яна бир бор таъкидлади.
"Украинадаги урушни қандай тугатиш ҳақида Украинасиз қарор қабул қилиб бўлмайди. Биз Саудия Арабистонида бўлиб ўтган Россия-Америка музокараларига таклиф қилинмадик. Бу биз ва бошқалар учун кутилмаган ҳолат бўлди", — деди Украина президенти.
Унинг сўзларига кўра, у Ар-Риёдга режалаштирилган ташрифини 10 мартга кўчирди ва энди АҚШ делегациясини Киевда кутиб олмоқчи.
