Корея Республикаси президенти Юн Сок Ёл мамлакати фуқароларидан ўтган йилнинг декабр ойида ҳарбий ҳолат жорий этилиши сабабли юзага келган ноқулайликлар учун кечирим сўради.
У импичмент бўйича иш кўрилаётган Конституциявий судда сўнгги сўзида халқидан узр сӯраган.
Президент нега ҳарбий ҳолат жорий этишга буйруқ берганини изоҳлар кан, бу “давлат ва халқ манфаатларидан келиб чиққан ҳолда” амалга оширилганини айтди.
“Ҳарбий ҳолат давлат ва халқ манфаатларини кўзлаб эълон қилинган эди, бироқ бу жараён сиз, азиз фуқароларимиз орасида ноқулайлик ва саросимага сабаб бўлди, бунинг учун чин дилдан узр сўрайман”, — деди Юн Сок Ёл.
Президент ушбу ҳодисадан "чуқур оғриқ ва айбдорлик" ҳиссини туйганини таъкидлаб, уни қўллаб-қувватлаганларга миннатдорчилик билдирди.
Эслатиб ўтамиз, ўтган йилнинг 3 декабридан 4 декабрига ўтар кечаси Юн Сок Ёл мамлакатда ҳарбий ҳолат жорий қилган, бир неча соатдан кейин парламент уни бекор қилган эди.
Юн Сок Ёлга ишончсизлик ва коррупцияда шубҳаланиш аслида президент рафиқасининг қимматбаҳо сумкачани совға сифатида олганидан бошланган эди. Бу ҳақда аввадроқ батафсил маълумот берган эдик.
14 декабр куни парламент Юн Сок Ёлга импичмент эълон қилди ва энди унинг тақдирини Конституциявий суд ҳал қилади.
Aгар суд президентни лавозимидан четласа, янги давлат раҳбари учун сайловлар 60 кун ичида ўтказилиши керак.
Абдуллоҳ Саййид
