23 март куни Тошкент шаҳрининг Сергели туманида янги қурилаётган бинода ёнғин содир бўлди. Бу ҳақда пойтахт Фавқулодда вазиятлар бошқармаси хабар берди.
Маълум қилинишича, соат 09:18 да Тошкент шаҳар Сергели тумани Хонабод кўчасида жойлашган ва янги қурилаётган бино фасад қисмида ёнғин содир бўлаётгани тўғрисида Тошкент шаҳар ФВБга хабар тушган.
Шунга кўра, ёнғин-қутқарув техникалари айтилган манзилга соат 09:24 да етиб бориб, ёнғин соат 09:39 да қуршаб олиниб, соат 09:42 да ўчирилган.
Ёнғин оқибатида ҳалок бўлган ва жабрланганлар йўқ.
“Ҳозирда ёнғин сабаби ва келтирилган моддий зарар миқдори аниқланмоқда”, дейилади хабарда.
