Германия президенти Франк-Валтер Штайнмаер федерал канцлер Олаф Шолц ва унинг ҳукуматидаги 14 нафар вазирга истеъфо тўғрисидаги гувоҳномаларни тантанали равишда топширди. Бу ҳақда мамлакат ОАВлари хабар қилди.
Маросим Берлин марказидаги Бельвю президентлик саройида бўлиб ўтган. Президент Шолц ва уни ҳукуматига миннатдорлик билдирди.
Маълумот учун: Германия қонунига кўра, канцлер ва вазирлар янги Бундестаг чақирилган куни лавозимларини тарк этадилар. Бироқ президент Штайнмаер канцлер Шолц ва 14 вазирдан яна бир неча ҳафта лавозимида қолишини сўради. Бу тартиб ҳам қонунда назарда тутилган. Канцлер ва вазирлар янги ҳукумат шакллантирилгунга қадар ишини давом эттиради.
