Ўзбекистонлик ёш самбочи Тўрабек Исмоилов Кипрнинг Лимасол шаҳрида давом этаётган самбо бўйича кадетлар ўртасидаги жаҳон чемпионатида шоҳсупанинг энг юқори поғонасига кўтарилди.
Тўрабек 72 килограммгача вазн тоифасидаги спортчилар ўртасида тенгсиз эканини намойиш этди. У мусобақа финалида россиялик Андрей Веселовни мағлубиятга учратиб, олтин медалга сазовор бўлди. А.Веселов кумуш медални қўлга киритди, грузиялик Отар Созиашвили ва беларуслик Дзианис Баркавец бронза медаль билан тақдирланди.
Чемпионатнинг иккинчи кунги беллашувларида Азимхон Султахўжаев, Зафарбек Ҳамроқулов, Саидалиакбар Юсупов, Отабек Ёдгоров, қизлар баҳсида Комила Нурова гиламга тушади.
