Россия Ташқи ишлар вазири Сергей Лавров 22–23 апрель кунлари расмий ташриф билан Ўзбекистонга келади, у ерда Ўзбекистон Президенти Шавкат Мирзиёев ва ушбу мамлакат ташқи ишлар вазири Бахтиёр Саидов билан музокаралар ўтказади. Бу ҳақда Россия ТИВ расмий вакили Мария Захарова маълум қилди.
"22–23 апрель кунлари Россия ташқи ишлар вазири Сергей Лавров расмий ташриф билан Ўзбекистонга келади. Тошкентда бўлиб ўтадиган ташриф доирасида Ўзбекистон Республикаси Президенти билан учрашув ҳамда ушбу мамлакат ташқи ишлар вазири билан атрофлича музокаралар ўтказиш режалаштирилган", — деди Захарова брифинг пайтида.
Музокаралар давомида асосий эътибор Москва ва Тошкент ўртасидаги стратегик ҳамкорликни янада ривожлантириш, минтақавий хавфсизлик масалалари ҳамда халқаро ташкилотлар доирасидаги ҳамкорликка қаратилади.
Абдуллоҳ Саййид
