Украина етакчиси Қримни Россия босиб олган бўлса ҳам буни Зелениский ҳеч қачон қонуний деб тан олмаслигини айтди. Бу ҳақда “Медуза” нашри маълум қилди.
“Бу борада ҳеч қандай гап бўлиши мумкин эмас — бу бизнинг Конституциямизга зид”, дейди Зеленский.
Унинг айтишича, Қрим ёки бошқа Россия эгаллаб олган ҳудудлар ҳақида музокара қилиш урушни чўзиб юборади.
“Биз Қрим ҳақида гап бошлашимиз билан, урушни чўзиш режаси бошланади — Россия айнан шуни хоҳлайди. Биз аллақачон 12 йилдан бери уруш ҳолатида яшаяпмиз. Бу саволга жавоб: Россия билан ер масаласида келишиб бўлмайди”, дея қўшимча қилади Украина етакчиси.
Шунингдек, Зеленский Украина делегацияси Лондонда ўтказилаётган музокараларда оташкесим (урушни вақтинча тўхтатиш) масаласини муҳокама қилиш ваколатига эга эканини ҳам айтган.
