Россия етакчиси Владимир Путин Украина билан тўқнашувни ҳозирги фронт чизиғи бўйича тўхтатишни таклиф қилди. Бу ҳақда “Financial Times” маълум қилди.
Қайд этилишича, Россия Президенти АҚШ етакчиси Доналд Трамп билан тинчлик келишувига эришиш йўлида ҳарбий ҳаракатларни ҳозирги чизиқда тўхтатишни таклиф қилган.
Шунингдек, жорий йил апрель ойи бошида Санкт-Петербургда Доналд Трампнинг махсус вакили Стивен Уиткофф билан учрашувда Владимир Путин Москва Киев назорати остида қолаётган тўртта ҳудуддаги даъволардан воз кечишга тайёрлигини билдирган.
У фақат Россия ҳозирда назорат қилаётган ҳудудларни ўзида сақлаб қолишни таклиф қилган.
Бироқ АҚШ Россиянинг Кремлдаги асосий геосиёсий талабларига рози бўлса, Россия Президенти Донетск, Луганск, Херсон ва Запороже вилоятларида тўлиқ назорат ўрнатиш талабидан воз кечишга тайёр.
Масалан, АҚШ Қрим устидан Россия назоратини тан олса ва Украина НАТОга аъзо бўлишига йўл қўймаса.
“Мураккаб иш олиб борилмоқда. Биз америкаликлар билан музокаралар олиб боряпмиз. Бу иш қийин ва кўп вақт талаб қилади, шунинг учун дарҳол натижаларни кутиш мушкул. Бундан ташқари, бу музокараларни очиқ олиб бориб бўлмайди”, — дейди Кремль расмий вакили Дмитрий Песков.
Трамп Россия ва Украина ўртасида 30 апрелгача келишувга эришишни истамоқда. Бу орқали у президентлик фаолиятининг дастлабки 100 кунида тинчлик ўрнатиш миссиясини амалга оширганини эълон қилмоқчи.
