Маълум қилинишича, Лондонда бўлиб ўтган музокараларда Украина делегацияси АҚШ томонига ўз тинчлик таклифларини расман тақдим этди. Украина мазкур режани “таслим бўлиш эмас, балки халқаро ҳуқуқ асосида тузилиши керак бўлган ҳужжат” сифатида кўрмоқда, дея хабар бермоқда zamon.uz.
Украина томонидан илгари сурилган асосий беш талаб қуйидагилар:
1. Қрим аннекция қилинган ҳудуд сифатида тан олинмаслиги керак. Украина ушбу яриморолни ҳеч қачон Россия ҳудуди деб қабул қилмаслигини таъкидламоқда.
2. Ҳудудий устуворлик эвазига аниқ хавфсизлик кафолатлари талаб қилинади. Ҳатто вақтинча ерлар устидан назорат йўқолган тақдирда ҳам, бунинг ўрнига халқаро ҳамжамиятдан қатъий хавфсизлик кафолатлари олиниши лозим.
3. Украина глобал тараққиёт марказига қайтиши керак. Мамлакат иқтисодий, сиёсий ва ҳарбий жиҳатдан халқаро тизимга тўлиқ интеграциялашуви муҳим деб топилмоқда.
4. Агар Россия Қримни сақлаб қолса, бу бошқа минтақаларга ҳам таҳдид солади. Хусусан, Туркия, Руминия ва Болгария хавфсизлиги хавф остида қолиши мумкин.
5. Украина ўз мудофаа салоҳиятини чеклашга рози эмас. Қуролли кучлар ва ҳарбий саноатни чеклаш Россиянинг талабларидан бири бўлсада, Киев буни қатъиян рад этмоқда.
Бу таклифлар фонида Украина музокаралар жараёнининг фақат тенг асосда ва халқаро ҳуқуқ меъёрларига асосланган ҳолда олиб борилишини истамоқда.
