Еврокомиссия раҳбари Урсула фон дер Ляен Римда Италия Бош вазири Жоржа Мелони ва АҚШ витсе-президенти Жей Ди Венс билан учрашув ўтказди. Учрашувда асосий эътибор Украинадаги урушга қаратилди.
Фон дер Ляеннинг таъкидлашича, бу ҳафта Украина тақдири учун ҳал қилувчи бўлади. У АҚШнинг бу борадаги ҳаракатларини юқори баҳолаб, урушни тўхтатиш йўлида олдинга силжиш зарурлигини эслатди.
Италия Бош вазири Жоржа Мелони эса Римдаги мулоқот орқали АҚШ ва Европа Иттифоқи ўртасидаги дипломатик алоқаларни янгилашга умид билдирди.
“Европа ва АҚШ ўртасидаги муносабатлар Ғарб бирлигини сақлаб қолиш учун асосий омил ҳисобланади”, — дейди Мелони.
