Фарғона шаҳридаги умумий овқатланиш шохобчаси 586,4 миллион сўмлик табиий газдан ноқонуний фойдаланишда гумон қилинмоқда. Бу ҳақда Бош прокуратура ҳузуридаги Департамент хабар берди.
Терговга қадар текширув давомида “Й.Х.” МЧЖ масъуллари “С.” номли ошхонада газ тармоғига ошхона ускуналарини рухсатсиз ва тўғридан-тўғри улаб, катта миқдорда табиий газни ўзбошимчалик билан ишлатгани аниқланган.
Ҳолат юзасидан Жиноят кодексининг 169-моддаси (ўғрилик) билан жиноят иши қўзғатилган. Ҳозирда тергов ҳаракатлари олиб борилмоқда.
