Американинг "Booulder" шаҳрида яҳудий жамоаси вакиллари тинч йўналишда ўтказаётган акция пайтида номаълум бир эркак улар томонга ёнғин чиқарувчи аралашма солинган бутилкани улоқтирди.
Воқеа гувоҳларининг айтишича, у бу ваҳшиёна ҳаракатни амалга ошираётиб, "Фаластинга эркинлик!" деб бақирган. Полиция маълумотларига кўра, гумонланувчи шахс ушланган.
Терговга ФБИ (Федерал тергов бюроси) жалб қилинган.
Уларнинг баёнотида бу ҳолат "мўлжалланган террорчилик ҳаракати" сифатида ўрганилаётгани айтилади.
Энг ачинарлиси, жароҳат олганларнинг ёши 67 дан 88 ёшгача бўлган кекса инсонлардир — уларнинг айримлари куйиш, бошқалари эса бошқа турдаги тан жароҳатлари билан шифохонага ётқизилган.
Колорадо штати губернатори Жаред Полис ижтимоий тармоқлардаги саҳифасида қуйидаги сўзларни ёзди:
"Мен бу ёвуз террорчилик хуружини қатъий қоралайман ва жароҳат олганларнинг тезроқ соғайиб кетишини тилайман."
