Украина Президенти Владимир Зеленский Россия томонидан билдирилган таклифга — жанг майдонидаги ҳалок бўлган аскарларнинг жасадини йиғиб олиш учун фронтнинг айрим ҳудудларида икки-уч кунлик маҳаллий сулҳ эълон қилиш ҳақидаги таклифга кескин муносабат билдирди.
“Улар жанг майдонидан ўликларни олиб кетиш учун икки ёки уч кунлик сулҳ таклиф қилмоқда. Менимча, бу — тентаклик. Сулҳ шунинг учун бўлиши керакки, одамлар ўлмасин. Улар эса бунга фақат урушдаги кичик танаффус сифатида қарашяпти”, — дейди Зеленский.
Унинг фикрича, бу таклиф Россия томонининг урушга қандай ёндашаётганини очиқ кўрсатади: улар учун одам ҳаётининг қадри йўқ, улар фақат вақт ютишга уринмоқда.
Зеленский АҚШни Россияга нисбатан санкцияларни янада кучайтиришга чақирди.
“Улар бошқача тушунмаяпти. Уларни тушунадиган даражага тушириш учун иқтисодий босимни ошириш зарур”, — дея таъкидлади Украина раҳбари.
