Амиотрофик латерал склероз (ALS) билан оғриган фалаж бемор Бред Смит сунъий интеллект ва мия импланти ёрдамида яна мулоқот қила бошлади. Унга Илон Маск томонидан ташкил этилган Неуралинк компаниясининг инновацион мия-компьютер интерфейси ўрнатилди, дея ёзмоқда "Замон.уз".
Аввалига Смит кўз ҳаракати орқали бошқариладиган қурилмадан фойдаланган, бироқ бу усул ёруғликда ишламай қолиб, мулоқотни сезиларли даражада секинлаштирган. Неуралинк эса унга исталган вақтда ўз фикрларини ифода этиш имконини берди.
Бош суягига ўрнатилган кичик қурилма 1024 та электрод ёрдамида миядаги нейрон сигналларни қабул қилиб, уларни симсиз тарзда компьютерга узатади. Компьютер эса ушбу сигналларни сунъий интеллект ёрдамида анализ қилиб, экранда курсор ҳаракатига айлантиради.
Ҳозирда Смит оиласи билан тез ва қулай мулоқот қилмоқда, фарзандлари билан ўйинлар ўйнай олмоқда. Бундан ташқари, у Илон Маскнинг Грок сунъий интеллект чатботи орқали ёзишмаларни янада тез ва самарали амалга оширмоқда.
