Россия президенти Владимир Путин 2036 йилгача мўлжалланган давлат қуролланиш дастури юзасидан ўтказилган йиғилишда янги қурол тизимлари учун зарур инфратузилма — ҳарбий базалар, арсенал ва аэродромлар олдиндан режалаштирилиши кераклигини таъкидлади.
“Мен тез-тез янги тизимлар учун мўлжалланган объектлар бўйича харажатларни бошқа моддаларга кўчириш ҳақидаги ҳужжатларни имзолаяпман. Аммо бу охир-оқибат янги қуроллар очиқ далага жойлаштирилишига олиб келмоқда”, — дейди Путин.
Президент, шунингдек, ядровий триадани алоҳида эслатиб, уни “Россия суверенитетининг кафолати” деб атади. Йиғилиш давомида ушбу объектлар учун молиявий ресурсларни алоҳида сатр сифатида давлат дастурида белгилаш топширилди.
