Американинг “Қиёмат куни” деб ном олган “Boeing E-4 Nightwatch” самолёти Луизиана штатидаги ҳарбий базадан ҳавога кўтарилиб, Вашингтон яқинидаги авиабазага қўнди. Бу ҳақда “Nеw York Post” нашри ёзмоқда.
Қайд этилишича, ушбу махсус борт АҚШ раҳбарияти учун фавқулодда вазиятларда мамлакатни бошқариш имконини берувчи ҳаво қўмондонлик маркази вазифасини бажаради.
Самолёт ядровий зарбага бардош бера олади ва энг юқори лавозимдаги амалдорлар учун захира бошқарув пункти сифатида мўлжалланган.
“Самолёт Шарқий вақт бўйича соат 17:56 да Божер-Ситидан ҳавога кўтарилди, қирғоқ бўйлаб парвоз қилиб, Вирджния ва Шимолий Каролина чегараси атрофида айлана чизди ва соат 22:01 да Эндрюс авиабазасига қўнди”, — дейилади хабарда.
Маълумот учгун, худди шундай самолёт АҚШнинг 43-президенти Жорж Буш томонидан 2001 йил 11 сентябрдаги террор ҳужумлари вақтида ишлатилган.
Ушбу ҳаво кемаси ядро уруши бошланиши эҳтимолига қарши махсус ишлаб чиқилган.
