19 июнь куни Андижон вилояти Қўрғонтепа туманида хонанда Шоира Отабекова йўл-транспорт ҳодисасига учради. Бу ҳақда вилоят Йўл ҳаракати хавфсизлиги бошқармаси хабар берди.
Воқеа соат 12:20 ларда Қўрғонтепа тумани “Хуробод” МФЙ ҳудудидан ўтган D-138 автомобиль йўлининг 42 километрида содир бўлган.
1980 йилда туғилган ҳайдовчи Шоира Отабекова ўзининг BYD song plus русумли транспорт воситасида Хонобод шаҳар йўналиши бўйлаб бошқариб кетаётиб, руль бошқарувини йўқотиши оқибатида, йўл четидаги чегара сим тўсиғига бориб урилган.
ЙТҲ оқибатида тан жароҳати олганлар йўқ, транспорт воситаси техник шикастланган.
Ҳолат юзасидан ҳозирда Қўрғонтепа тумани ИИБ ЙҲХГ ходимлари томонидан суриштирув ишлари олиб борилмоқда.
Хонанда ўз Instagram саҳифаси орқали аҳволи яхши эканини маълум қилган.
“Мен аварияга учрадим. “Стрчний”га чиқиб сиққан одам қочиб кетди. Ўзимга ҳеч нима бўлмади. Кўрамиз энди ким буни тагида турганини”, деб ёзган у.
