Кеча, 6 июль куни кечқурун Россиянинг йирик аэропортларида парвозлар жиддий издан чиқди. Москва, Санкт-Петербург ва Нижний Новгородда умумий ҳисобда 393 та рейс бекор қилинган ёки кечиктирилган.
Шереметёвода 171 та рейс бекор қилинди, 56 таси икки соатдан ортиқ кечикмоқда. 18:00 дан 21:00 гача 76 та самолёт парвозни амалга ошириши режалаштирилган. Терминалда ҳозирда 15 минг йўловчи навбатда.
Пулково (Петербург): 90 та рейс бекор қилинди, 37 та кечикмоқда.
Нижний Новгород: 26 та рейс бекор қилинган, 13 та кечикмоқда. Бу аэропорт энг кўп тўхталишларга дуч келган.
Россия Транспорт вазирлиги ҳолатни “бошқариладиган” деб атади ва авиасозлик тизими “ташқи аралашувларга” бардош бераётганини таъкидлади.
