Киевда Украинанинг “Нептун” ракеталари ҳақида маълумот олишга уринган Хитой жосуслари ушланди. Бу ҳақда Ground News хабар берди.
Маълум қилинишича, Киевда икки нафар Хитой фуқароси – Киевдаги олий ўқув юртларидан бирининг собиқ талабаси ва унинг отаси қўлга олинган. Идора маълумотларига кўра, ушбу шахслар Хитой хавфсизлик органларига Украинанинг РК-360МЦ “Нептун” ракета мажмуасига оид махфий ҳужжатларни етказишга ҳаракат қилишган.
"Собиқ талаба махфий ҳужжатларни қўлга киритиш учун мудофаа кучларининг энг замонавий қуролларини ишлаб чиқиш билан шуғулланадиган Украина фуқаросини ёллашга уринган. У ҳужжатларни олаётган пайтда ушланган. Унинг отаси эса 7 июль куни мамлакат ҳудудига кириб келган ва эртаси куни Хитойнинг Киевдаги элчихонасига борган. У ҳам жосусликда гумон қилинмоқда", дейилади Украина Хавфсизлик хизмати баёнотида.
