Пойтахт Тошкентнинг Чилонзор туманида электрон тамаки маҳсулотларининг савдоси билан шуғулланиб келган шахс ушланди. Бу ҳақда Бош прокуратураси ҳузуридаги Иқтисодий жиноятларга қарши курашиш департаментининг ахборот хизмати маълум қилди.
Қайд этилишича, Чилонзор туманида тамаки маҳсулотларининг ноқонуний савдоси билан шуғулланиб келган. У.Х. фуқаро М.Қ.га хорижда ишлаб чиқарилган тегишли ҳужжатлари бўлмаган 5 турдаги 255 дона электрон тамаки маҳсулотларини 40 млн сўмга сотган вақтида ушланиб, ушбу маҳсулотлар ашёвий далил сифатида олинган.
Мазкур ҳолат юзасидан Жиноят 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.
