Сўнгги йилларда Россияда меҳнат қилаётган айрим фуқароларимиз “А.У.E” деб номланган жиноий ҳаракат таъсирига тушмоқда. Бу нафақат эркинликдан маҳрум қилиш, балки мамлакат имижига ҳам жиддий путур етказмоқда.
Россияда экстремистик деб топилган “А.У.E” ҳаракати қамоқхона маданиятини тарғиб қилади. Унинг сафларига ёшлар ва муҳожирлар асосан ижтимоий тармоқлар орқали жалб этилади.
Россия қонунчилигига кўра, бу ҳаракатда иштирок этиш 6 йилгача озодликдан маҳрум этиш билан жазоланади. Ўзбекистон фуқаролари ўртасида ҳам унга алоқадорлик ҳолатлари қайд этилган.
Мутасаддилар ота-оналар ва муҳожирларни огоҳ бўлишга, фарзандлар ва яқинлар муҳитига эътибор қаратишга чақирмоқда.
