Исроил бош вазири Бинямин Нетаняху раҳбарлигидаги ҳукумат ва мамлакат хавфсизлик хизматлари Ғазо секторига гуманитар юкларни хусусий компаниялар орқали етказишга рухсат берди. Бу ёрдам қатъий назорат остида ва босқичма-босқич амалга оширилади.
Исроил Мудофаа вазирлиги маълумотига кўра, юклар Ғазога киргизилишидан олдин тўлиқ текширувдан ўтказилади. Товарлар учун тўлов фақат банк орқали, Исроил томони назорати остида амалга оширилади.
Июль охирида 100 дан ортиқ хайрия ташкилотлари Ғазода очарчилик юзага келгани ҳақида огоҳлантирган эди. Исроил эса БМТ ёрдамни тарқатмаётганини, юклар омборларда қолиб кетаётганини билдирмоқда.
Шу пайтгача ёрдамни ҳаво орқали ташлаган Германия ва бошқа давлатлар бу усулни танқидчилардан ҳимоя қилишга ҳаракат қилмоқда.
