Интеллектуал мулк янгиликлари берган хабарга кўра, “Ф.Т.” МЧЖ Uzum tezkor МЧЖга тегишли бўлган “Uzum tezkor” ва “Uzum food” товар белгисига ўхшаш “Uzum” кўринишидаги белгидан умумий овқатланиш соҳасида ноқонуний фойдаланилаётганлиги аниқланган.
Узум тезкор МЧЖ ҳуқуқбузардан товон пули ундиришни сўраб судга мурожаат қилди ва суднинг қарори билан “Ф.Т.” МЧЖдан 75 млн сўм товон пули, давлат божлари ва бошқа харажатларни ҳисоблаганда жами 94 млн сўм ундирилиши белгиланди.
“Ҳурматли тадбиркорлар! Ўз брендингизни рўйхатдан ўтказишингизни ҳамда брендингиздан ноқонуний фойдаланиш ҳолатларига дуч келганингизда Адлия вазирлигининг “1008” ишонч телефони орқали хабар беришингизни ёки info@adliya.uz электрон почта манзили орқали мурожаат қилишингизни сўраймиз”, дейилади хабарда.
