Ижтимоий тармоқларда Қашқадарё вилоятининг чироқчи туманида аёл кўчада самасуд қилингани акс этган видео тарқалди ва кенг муҳокамаларга сабаб бўлди. Ҳолат юзасидан вилоят ИИБ ахборот хизмати расмий муносабат билдирди.
Маълум қилинишича, 24 июль куни соат 22:30 да чироқчи туманида яшовчи аёл 102 рақамига қўнғироқ қилиб, у билан расмий никоҳсиз яшаб келаётган эркакнинг онаси хонадонига келиб жанжал кўтараётганини айтган.
Н.П нинг расмий никоҳида бўлган аёли қариндошлари билан бирга эри билан никоҳсиз яшаб келаётган аёлни бир неча маротаба тепиб, уриб кийимсиз аҳволда қолдирган.
Профилактика инспекторлари томонидан терговга қадар текширув ҳаракатлари олиб борилган ва суд тиббий экспертиза тайинланган.
Ҳолат юзасидан Чироқчи туман ИИБ ҳузуридаги тергов бўлинмаси томонидан жиноят иши қўзғатилиб, тергов ҳаракатлари олиб борилмоқда.
