Бандлик вазирлиги 14 август куни эълон қилишича, 15 августдан Ўзбекистон бўйлаб мактаб ва боғчаларда “Мажбурий меҳнатга қарши курашиш ҳафталиги” старт олади.
Меҳнат инспекцияси томонидан ўқитувчи ва тарбиячиларнинг мажбурий меҳнатга жалб этилиши ҳолатларини аниқлаш мақсадида назорат тадбирлари ўтказилади.
Вазирликка кўра, охирги кунларда аниқланган 10 га яқин қонунбузарлик ҳолатлари бўйича айбдор мансабдорларга маъмурий чоралар қўлланди.
Шунингдек, тегишли идораларга бундай ҳолатларни келтириб чиқарувчи сабабларни бартараф этиш ҳақида тақдимнома киритилди.
Аввалроқ, Андижонда ўқитувчиларнинг мактаб таъмирига жалб этилгани акс этган видео тарқалган ва натижада мактаб директори ишдан олинган эди.
