Кеча, 14 август куни Индонезиянинг Марказий Ява вилояти Сраген шаҳрида Президент Прабово Субианто ташаббуси билан жорий этилган бепул мактаб тушлигидан 360 дан ортиқ киши заҳарланди. Бу ҳақда “Индепендент” хабар берди.
Маълум қилинишича, мактаб ўқувчиларидан бири кечаси қорин оғриғи, бош оғриғи ва диарея билан уйғонганини, ижтимоий тармоқларда синфдошлари ҳам худди шундай шикоятлар қилганини кўргач, бу овқатдан заҳарланиш эканини англаганини билдирган. Бу бепул овқат дастурида ҳозиргача қайд этилган энг йирик заҳарланиш ҳолати ҳисобланади.
“Лаборатория натижалари чиқмагунча, ўша ошхонадан овқат тарқатишни вақтинча тўхтатишни сўрадик”,-дейди Сигит.
Дастурга масъул бўлган Миллий овқатланиш агентлиги раҳбари Дадан Ҳиндаяна аввалги заҳарланиш ҳодисаларидан сўнг ошхоналар фаолияти ва етказиб бериш жараёнларида стандартлар оширилганини билдирган.
Кўп миллиард долларлик бу сиёсат Прабовонинг сайловолди кампаниясида асосий дастур ҳисобланади. Президент аҳолининг турмуш сифатини ошириш ва иқтисодий ўсишни рағбатлантиришини айтмоқда.
