Афғонистоннинг Мозори Шариф шаҳрида Темурийлар даврида яшаган буюк шоир Алишер Навоий ҳайкали бутунлай бузиб ташланди. Бу ҳақда “Аму” хабар берди.
Маълум қилинишича, “Толибон”нинг бу ҳаракати қатор зиёлилар ва сиёсатчиларининг ғазабини келтириб чиқарган. Уларнинг айтишича, “Толибон” нафақат бошқа миллатларнинг маънавий қадриятлари ва инсониятнинг тарихий фахрига эътибор бермаяпти, балки амалда мамлакатнинг маданий ва тарихий ўзлигини йўқ қилиш ва камситиш билан шуғулланмоқда.
“Толибон” эса ҳозирча бу иш юзасидан ҳеч қандай изоҳ бермаган.
20 та фуқаролик ва ижтимоий ташкилот томонидан тайёрланган қўшма баёнотда Алишер Навоийнинг ҳайкалини бузиш “халқнинг умумий хотирасига ва Афғонистоннинг ўзлигига ҳужум” сифатида баҳоланган.
Ушбу ташкилотлар халқаро ҳамжамиятни, UNESCO ни, халқаро ташкилотларнинг маданий муассасаларини ва инсон ҳуқуқлари ҳимоячиларини Афғонистон халқларининг тарихий ва маданий меросини ҳимоя қилиш учун дарҳол чора кўришга чақирган.
Қайд этиш жоиз, ҳайкалнинг бузилиши ижтимоий тармоқларда ҳам акс садо берган. Қобул университетининг ўзбек адабиёти профессори Абдулҳанон Қилич Арслон Фаcебоокъда бу ишни “адолатдан ташқари” деб атаб, воқеа бўйича аниқлик киритишни талаб қилган.
Маълумот учун, Алишер Навоийнинг ҳайкали тахминан 17 йил аввал Мозори Шариф шаҳар ҳокимияти томонидан, унинг хотирасини йодга олиш
