Испанияда 7 августдан бери давом этаётган ўрмон ёнғинлари ҳануз тўлиқ бартараф этилгани йўқ. “Эуронеwс”нинг ёзишича, ёнғинлар оқибатида ҳозиргача 4 киши ҳалок бўлган, 37 киши ёнғинларга алоқадорликда гумонланиб қўлга олинган.
Энг оғир ҳолат Галисия автоном ҳудудида кузатилмоқда — бу ерда 155 минг гектар майдон ёниб кетган. Бу 2006 йилдан буён энг йирик кўламдаги ёнғин ҳисобланади.
Август ойи давомида бутун мамлакат бўйича 350 минг гектардан ортиқ майдон ёнғинлардан зарарланган.
Ҳозирда Испаниянинг турли ҳудудларида 21 та ёнғин ўчоғини бартараф этиш ишлари давом этмоқда.
Шимолий ҳудудларда испаниялик ўт ўчирувчиларга Германиядан келган мутахассислар ёрдам бермоқда.
Бош вазир Педро Санчес ёнғин жойига ташриф буюриб, ҳодисанинг сабаби иқлим ўзгариши ва кучли жазирама иссиқлик эканини таъкидлади.
