Telegram асосчиси Павел Дуров Францияда бир йил олдин юз берган ҳибсга олиниши бўйича муносабат билдирди.
У бу воқеани “француз полициясининг хатоси” деб атади ва Telegram’га нисбатан ҳеч қандай айблов исботланмаганини таъкидлади.
“2024 йил августигача улар Telegram’га қонуний сўров юбормаган. Тергов бир йил давом этганига қарамай, мен ёки Telegram айбдор деб топилмади”, — деб ёзди у ўзининг каналида.
Дуров шунингдек, ҳар 14 кунда Францияга қайтишга мажбур бўлаётганини, бироқ апелляция муддати ҳамон белгиланмаганини қайд этди.
Унга кўра, бу воқеа Франциянинг эркин давлат сифатидаги нуфузига путур етказган.
