Иқтисодиёт ва молия вазирлиги маълумотларига кўра, 2024 йил 2-чорагида Ўзбекистоннинг умумий давлат қарзи 785 миллион долларга кўпайиб, 43,38 миллиард долларни ташкил этди.
Шундан 36,42 миллиард доллари — ташқи қарз бўлиб, унинг 20,39 миллиард доллари қатъий, 15,87 миллиард доллари эса ўзгарувчан фоиз ставкаларида олинган.
Ташқи қарзларнинг асосий қисми узоқ муддатли кредитлардан иборат.
Ички қарз миқдори эса 67 миллион долларга камайиб, 6,96 миллиард долларни ташкил этган.
Давлат қарзининг ЯИМга нисбатан улуши 33,6 фоиздан 34,2 фоизга кўтарилган.
