Наманган шаҳрида ҳоким ва бир МЧЖ раҳбари 35 сотих ер майдонида кўп қаватли уй қуриш ҳуқуқини расмийлаштириб бериш ва молиявий кўмак эвазига фуқародан 60 минг доллар пора талаб қилган.
Тезкор тадбир давомида МЧЖ раҳбари ушбу пулни олаётганида далиллар билан ушланган.
Сўнгра тадбир давом эттирилиб, шаҳарнинг ўз ҳокими девонхона мудири орқали поранинг ўз улушини олаётганида қўлга олинган.
Ҳоким депутатлик дахлсизлигидан маҳрум қилинган, унга нисбатан Жиноят кодексининг 210-моддаси 3-қисми “а” банди билан жиноят иши қўзғатилган ва қамоқ эҳтиёт чораси қўлланган.
Зангиота туманида эса қишлоқ хўжалиги бўлими бош мутахассиси давлат захирасидаги 8 сотих ер майдонини фуқарога расмийлаштириб бериш эвазига 40 минг доллар пора сўраган.
У 20 минг долларни олаётганида ДХХ ва Иқтисодий жиноятларга қарши курашиш департаменти ходимлари томонидан қўлга олинган.
Унга ҳам худди шундай моддалар — 168-модда 4-қисм “а” банди ва 28,211-модда 3-қисм “а” банди бўйича жиноят иши очилган, ҳозирда у ҳам қамоққа олинган.
Расмийларга кўра, тергов жараёнида бошқа ноқонуний ҳаракатлар ҳам ўрганилмоқда.
