Президент фармонига биноан, никоҳни расмийлаштириш жараёнида тиббий кўрик натижаларини тақдим этиш талаби бекор қилинади. Ушбу ўзгариш давлат хизматларида бюрократик тартиботларни қисқартириш мақсадида жорий этилди.
Адлия вазирлиги берган маълумотга кўра, энди никоҳланаётганлар тиббий маълумотнома топширишга мажбур бўлмайди. Мазкур тартиб 2025 йил 1 декабрдан бошлаб амалиётга жорий этилади.
Фармонга кўра, бошқа қатор соддалаштиришлар ҳам назарда тутилган. Масалан, никоҳдан суд орқали ажратилганлик тўғрисидаги ёзув учун ФҲДЁ органлари томонидан суд қарорини талаб қилиш амалиёти ҳам бекор қилинмоқда.
