Бу бўйича Оила ва хотин-қизлар қўмитаси Зулфия номидани давлат мукофотини тиббиёт (медицина) соҳаси учун алоҳида йўналиш сифатида беришни назарда тутувчи Президент фармони лойиҳасини эълон қилди.
Лойиҳада таъкидланишича, сўнгги йилларда тиббиёт соҳасида амалга оширилаётган ислоҳотлар жараёнида ёшлар, айниқса иқтидорли хотин-қизлар фаол иштирок этиб, илмий-тадқиқот ишлари, янги даволаш усуллари, профилактика дастурлари ва инновацион тиббий технологиялар орқали соғлиқни сақлаш тизимини ривожлантиришга муносиб ҳисса қўшмоқда. Қарор лойиҳасида ана шундай ютуқларга эришган иқтидорли қизларни Зулфия номидаги давлат мукофоти билан тақдирлаб боришни йўлга қўйиш кўзда тутилмоқда.
Лойиҳада, жумладан, 1999 йил 10 июндаги "Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида"ги ПФ-2326-сон Фармонга тегишли ўзгартиришларни киритиш ҳамда Давлат мукофоти билан тақдирлаб бориш билан боғлиқ харажатларнинг молиялаштириш манбаларини белгилаш каби масалалар ҳал қилинган.
Ўз навбатида, Оила ва хотин-қизлар қўмитасига уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Ҳукуматга таклифлар киритиши белгиланмоқда.
